VIP

BRITNEY FESTON 10 VJETORIN E KARIERËS

Për ta kremtuar dhjetë vjetorin e debutimit të saj në skenën muzikore, më 23 nëntor, Jive Records do të lansojë “The Singles Collection” nga Britney Spears. Për të lansuar një paqetim special, një single krejtësisht i ri i titulluar “3”, të cilin Britney sapo e ka inçizuar me hitmakerin Max Martin, do të lansohet disa ditë më herët, gjegjësisht më 16 nëntor 2009. “The Singles Collection” do të jetë në dispozicion në dy versione: njëri do të jetë fan-box set, dhe tjetri version standard. Fan-box seti do të përmbajë 29 singlat e saj, përfshirë edhe këngën e re “3”. Versioni do të përmbaj edhë nje DVD me video klipe të Britney në mënyrë kronologjike, si dhe disa posterë të këngetares. Versioni standard, në anën tjetër, do të përmbaj vetëm 17 këngë të Britneyt së bashku me singlin e ri “3” – të gjitha në një CD të vetme. Gjatë karierës së saj 10 vjeçare, Britney Spears ka shitur më shumë se 63 milion albume

Spice Girls nuk do të jenë në Afrikën e Jugut
Anëtarja e dikurshme e grupit “Spice Girls”, Mel B, ka mohuar spekulimet se grupi i vajzave do të bashkohen për të hapur Kampionatin Botëror të futbollit që mbahet vitin e ardhshëm në Afrikën e Jugut.
Këngëtarja 34-vjeçare thotë se Geri Halliwell, Mel C, Emma Bunton, Victoria Beckham dhe ajo, nuk do të jenë pjesë e ceremonisë së hapjes së Kupës së Botës, porse nuk ka mohuar mundësinë që ato mund të bashkëpunojnë sërish në të ardhmen.

“Kupa e Botës! Thashethemet janë aq të çuditshme. Jo nuk do të bashkohemi për Kupën e Botës!!! Do të bashkohemi për arsye tjera”, ka shkruar Mel B në faqen e saj në Twitter.com.

Pajtohen Ja Rule dhe DMX
Ja Rule dhe DMX kanë lënë pas vetes hasmërinë dhe janë pajtuar të mërkurën mbrëma gjatë ceremonisë VH1 Hip Hop Honors.
Reperët kanë pasur probleme që nga viti 2000, kur DMX kishte thënë se Ja Rule ia ka kopjuar stilin e tij të repimit dhe nga atëherë, ata kanë këmbyer kritik ndaj njëri-tjetrit nëpër intervista të ndryshme.

Mirëpo, në edicionin e gjashtë të VH1 Hip Hop Honours, reperët vendosën të lënë të kaluarën pas vetes dhe të pajtohen me njëri-tjetrin, ata madje bënë një fotografi të përbashkët, krahas Ludacris dhe Foxy Brown.

Vajza e Albas do të flasë dy gjuhë
Jessica Alba dëshiron që vajza e saj 15 muajshe të mësojë për sa më shumë kultura që është e mundur- ajo tashmë është duke e mësuar atë të flasë edhe spanjisht.
Aktorja hollivudiane, e cila ka prejardhje meksikane, dëshiron që vajza e saj Honor të ketë mundësi të flasë edhe spanjisht edhe anglisht, dhe është e gatshme që të bëhet ‘mësuesja’ e saj.

“Derisa gatuaj, unë i këndoj asaj këngë për ngjyrat në spanjisht dhe në anglisht. Me një fjalë e integroj mësimin në gjithçka që bëj... Mësimi po shkon ngadalë, mirëpo ajo po kupton shumë mirë”, ka thënë bukuroshja.

Law nuk mund ta shohë vajzën për shkak të punës
Jude Law nuk do ta vizitojë vajzën e porsalindur të tij deri në muajin e fundit të këtij viti.
Ylli i filmit “Sherlock Holmes” aktualisht është pjesë e teatrit në New York, ndërsa përkushtimi ndaj punës e pengon atë që ta vizitojë vajzën e tij Sophia, e cila ka lindur të enjten në Florida.

“Fatkeqësisht, Jude nuk do të jetë në gjendje që ta shohë Sophian derisa ta përfundojë punën e tij me ‘Hamlet-in’ në Broadway në dhjetor”, ka thënë një burim për gazetën britanike “Daily Telegraph”.

Djali i Liam Gallagher fans i Prodigy
Djali tetëvjeçar i rokerit Liam Gallagher, Gene, është një fans i madh i grupit të muzikës dance, The Prodigy.
Gene Gallgher, djali i yllit të Oasis me gruan e tij Nicole Appleton, është duke shqetësuar prindërit me kërkesat për të dëgjuar këngët favorite të The Prodigy, anëtar i të cilës është Liam Howlett (burri i tezes së vogëlushit).

Howlett, i cili është i martuar me Nicole, motrën e Natalie Appleton, thotë për revistën Q: “Gene e bën të pëlcasë kokën e Nicole, në veturë, në shkollë. Ai gjithmonë thotë, ‘Lëshoje prapë. Lëshoje Thunder edhe një herë’”.

Jolie nuk do të luajë në krah të Brad
Angelina Jolie nuk mendon se ajo dhe partneri i saj Brad Pitt do të luajnë krahas njëri-tjetrit edhe në një film tjetër, pasi ata tash i kanë duart të mbushura me fëmijë.
Aktorja fituese e çmimit Oskar, e cila u takua dhe u dashurua me aktorin e pashëm gjatë xhirimeve të filmit “Mr. and Mrs. Smith”, gjatë të cilës kohë ai ishte ende i martuar me Jennifer Aniston, mendon se do të ishte fantastike nëse ajo do të punonte sërish me të, por kjo duket e pamundur.

“Do të më pëlqente të punoja me të, por tash kemi shumë fëmijë, dhe kjo duket e pamundur”, ka thënë Angelina.

Imbruglia ka vetëm fanse femra
Natalie Imbruglia është e zhgënjyer me vëmendjen e pakët të meshkujve që pranon, që kur është ndarë nga burri i saj Daniel Johns.
Edhe pse është e zhgënjyer me fansat e pakët meshkuj, ajo thotë se nuk i pëlqejnë dhuratat e pakëndshme që i hedhin fanset në skenë.

“Kam marrë disa brekë që më janë hedhur në skenë gjatë Festivalit V, edhe pse kjo disi nuk funksionon për mua. Në të vërtetë ishte diçka shumë ndotëse”, ka thënë këngëtarja.

“Vërtet nuk kam meshkuj që ndjekin koncertet e mia dhe më presim mua kur dal në skenë. Mendoj se janë femrat ata që ndjekin dhe bëjnë gjëra të tilla, dhe nuk e di se pse. Ndoshta meshkujt janë më ‘cool’”, ka shtuar Imruglia.

Osbourne kalon testin e vozitjes
Ylli i muzikës rok, Ozzy Osbourne, tashmë mund të vozitë lirshëm nëpër qytet pasi ka kaluar testin e vozitjes pas 60 vitesh.
Ish-anëtari i grupit “Black Sabbath”, e ka bërë të ditur këtë në faqen e tij në Twitter.com, duke ua përcjellë lajmin e gëzueshëm fansave të tij.

“Sapo kam kaluar testin e vozitjes. Më janë dashur 60 vjet, por e kam bërë! Për të parën herë në jetën time, unë jam në vozitës me licencë”, ka shkruar Ozzy.

Lirita e penduar që ka marrë pjesë në Big Brother
Lirita Halili është e para që deklaron hapur zhgënjimin nga "Big Brother". Ajo thotë se, përveçse ka humbur kohë, nuk ka përfituar asgjë tjetër nga ai shou televiziv që vajza kosovare e quan vetëm një skenar të paramenduar.
Në një intervistë për “Shekulli”, Lirita ka thënë se nuk është penduar për asgjë që ka bërë brenda shtëpisë, por për vetë faktin që ka qenë pjesë e atij shou televiziv.

“E vetmja gjë që jam penduar është që mora pjesë në atë shou”, thotë Lirita.
Lirita është shprehur shpesh që edhe sikur ta lutnin që të futje sërish në Big Brother, ajo do të refuzonte, ndërkohë që vazhdon ta pohojë një gjë të tillë.

“A do rrije t'i në punë sikur të punoje pa lekë? Sa e di unë, Nëna Tereza ka kohë që ka vdekur, të rri unë për një orë në vlerë prej 120 euro, një muaj e gjysmë dhe t'i humb afatet e provimit që deri tani do isha e diplomuar... Thjesht jam tip i drejtë dhe e dua drejtësinë”, thotë pjesëmarrësja në edicionin e dytë të “Big Brother Albania”.

Xhemi: Çdo fillim ka edhe fundin e vet

Prezantuesja e emisionit “E diell” dhe njëra nga fytyrat kryesore të Digitalb, Xhemi Shehu, thotë se ky sezon do të jetë i ngjeshur për të, ndërkohë që shton se ajo nuk do të jetë gjithmonë prezantuese e këtij emisioni.
“Pas një viti eksperience në këtë format, ne tashmë kemi studiuar pak a shumë atë që publiku vërtet kërkon të shohë gjatë të dielave. "E diell" vjen po aq e njëjtë, sa dhe ndryshe nga edicioni i kaluar. Kemi ruajtur një linjë që na identifikon si program dhe e kemi veshur atë me elemente përbërëse të reja. Qëllimi ynë mbetet po i njëjti... argëtim pa limit”, thotë Xhemi në një intervistë për shtojcën “Unë gruaja”.

Përveçse do të luajë rolin e saj të zakonshëm, të prezantueses në emisionin “E diell”, Xhemi ka ruajtur sekret befasitë që do t’u ofrojë ajo shikuesve të emisionit që prezanton.

Ndërkohë e pyetur se a do të braktiste këtë spektakël, Xhemi thotë se do të vijë koha kur ajo nuk do të jetë më aty.

“’E Diell’ përpara së gjithash është një punë për mua, e thënë me fjalë të tjera ajo kërkon angazhim dhe seriozitet maksimal. Si çdo gjë tjetër që ka një cikël të vetin me një fillim dhe mbarim, ashtu edhe unë s'do jem më aty kur të vijë koha”, thotë ajo.

Vesa përgatiti klipin e këngës "Edhe një fundvit"

Këngëtarja Vesa Luma shprehet e kënaqur me sukseset e saja të deritanishme, po ashtu vlerëson angazhimet e shumta nëpër koncerte dhe mbrëmje muzikore, ndërsa paralajmëron videospotin e këngës "Edhe një fundvit".
“Me sukseset e mia të deritanishme jam e kënaqur, ngase kam vullnet dhe preferoj të punoj shumë për krijimet e mia muzikore”.

“Tani jam duke u marrë me një skenar që do ta plotësojë videoklipin e këngës ‘Edhe një fundvit’. Këtë këngë e kam lansuar në fillim të këtij viti dhe tani do t’ia bëj edhe videospotin”, ka thënë Vesa në një intervistë për “Kosova Sot”.

Cheryl e fiksuar pas Lady Gaga

Anëtarja e bendit "Girls Aloud", Cheryl Cole, është e fiksuar pas stilit të Lady Gaga.
Këngëtarja pranon se Lady Gaga është ikona e stilit të saj dhe se ajo është e obsesionuar me këngëtaren e hitit “Poker Face”.

“Të jem plotësisht e sinqertë me ju, kurrë nuk kam pasur një ikonë të stilit. Por tani e kam Lady Gagan. Mendoj se njerëzit nuk e konsiderojnë atë si bukuroshe ‘tradicionale’, por si një ikonë të stilit, si një artiste, unë jam e fiksuar pas saj. Ajo është e vërteta”, thotë Cheryl.

Dueti Fisnikët-Lori me videoklip

Frontmeni i grupit "Fisnikët", Agim Gërguri, thotë se albumi "Bakllava" i lansuar në muajin gusht kishte ardhur ‘pa planifikuar’, ndërsa paralajmëron dy klipe të reja nga muaji i ardhshëm.
“Nuk e kam pasur ndërmend që pikërisht atë kohë të bëj album, por kur shkova në studion e producentit tim për të incizuar një këngë, ai më propozoi ta realizojmë albumin”, thotë Agimi në një intervistë për “Infopress”, duke qenë i vetëdijshëm se fansat e grupit “Fisnikët” nuk janë shumë të informuar për këtë album pasi që ka munguar promovimi i duhur.

Ndërkohë, edhe pse ende nuk ka vendosur, Agimi thotë se pas datës 2 tetor (kur edhe i përfundon studimet e masterit në drejtimin Restaurim i Pikturave) do të fillojë realizmin e dy videoklipeve nga albumi i ri.

“Mendoj që njërës nga këngët që do t’ia realizoj klipin do të jetë dueti me Lorin, ndërsa për këngën tjetër ende nuk di. Më vonë do të shohim se cila do të jetë ajo”, shton këngëtari.

Arrestohet Roman Polanski

Regjisori Roman Polanski është ndaluar nga policia zvicerane pas një urdhërarresti amerikan të lëshuar para 31 vjetësh, njoftojnë autoritetet e Festivalit të Filmit në Cyrih.
Organizuesit thanë se 76-vjeçari u ndalua nga policia të shtunën, kur ksihte shkuar në Zvicër nga Franca për të marrë një çmim për punën e tij shumë vjeçare.

Zoti Polanski pranoi se kishte kryer marrëdhënie seksuale me një vajzë 13 vjeçare në 1977, por ai u largua në Francë para se të dënohej.

Regjisori me origjinë polake nuk ka shkuar në SHBA për më shumë se 30 vjet. Ai madje nuk ka filmuar as në Britani të Madhe nga frika e ekstradimit.

Oskari që atij iu dha në 2002 për filmin The Pianist u mor nga Harrison Ford.

Organizuesit e festivalit të Filmit në Cyrih thanë se arrestimi i tij kishte shkaktuar "shok dhe zhgënjim", por se ata do të vazhdojnë me planet që kishin për të bërë një retrospektivë të veprës disa vjeçare të regjisorit. /bbc/telegrafi/

Hilton: Los Angeles është shumë i vrazhdë

Paris Hilton thotë se më nuk i pëlqen të dalë nëpër klubet e Los Angelesit pasi mendon se qyteti është shumë ‘i vrazhdë’.
“Jam në rrugë për t’u kthyer në shtëpi. Los Angeles nuk është ai që ka qenë. Është shumë i vrazhdë. Mezi pres të shkoj në shtrat”, ka shkruar Paris në faqen e saj në Twitter.

Edhe pse nuk i ka pëlqyer mbrëmja, Paris ka shijuar një ditë të mirë në Los Angeles, duke u relaksuar pranë pishinës së saj.

Law ‘kërkon testin e ADN-së’
Aktori Jude Law është duke refuzuar të shohë vajzën e tij të porsalindur, derisa testi i ADN-së nuk dëshmon se ai është babai i saj, shkruajnë mediat angleze.
Modelja Samantha Burke lindi një foshnjë ‘të bukur dhe të shëndetshme’, Sophia, gjatë të martës, që thuhet të jetë fëmija i saj me aktorin britanik. Dyshja patën një romancë të shkurtër më herët gjatë këtij viti, derisa aktori ishte në New York.

Law më herët është zotuar se do të qëndrojë në krah të Burke dhe do të ndihmojë rritjen e foshnjës, por News of the World shkruan se ylli nuk dëshiron ta shohë vogëlushen Sophia, derisa ajo nuk dëshmon se ai babai i saj.

Depp - shpëtues i jetëve

Courtney Love, e cila ka një tregim të gjatë të abuzimit me pije dhe droga, ka thënë se Johnny Depp një herë ia kishte shpëtuar jetën asaj duke i dhënë ndihmë të parë.
Aktori i “Pirates of the Caribbean” është dashur t’i japë këngëtares së hitit “Hole” një ‘puthje’, për ta rikthyer në jetë me anë të frymëmarrjes artificiale.

“Askush nuk më ka huazuar para. Në fakt kam qenë afër vdekjes disa herë. Johnny Depp më ka dhënë ndihmë të parë një herë”, ka thënë rokerja.

Kërkohet lirimi i Polanskit

Raportohet se Polonia dhe Franca planifikojnë një thirrje të përbashkët për të provuar që regjisori Roman Polanski të lirohet nga arresti në Zvicër, ku ai ballafaqohet me dorëzim në Shtetet e Bashkuara, për akuza se ka pasur seks me një vajzë 13 vjeçare në vitin 1977 në Los Angeles.
Agjencia e lajmeve e Polonisë, PAP, ka transmetuar fjalët e ministrit të jashtëm, Radek Sikorski, se ai së bashku me kolegun francez, Bernard Kouchner, planifikojnë të kërkojnë nga autoritetet zvicerane, që ta lirojnë 76 vjeçarin Polanski dhe të kërkojnë falje për regjisorin e njohur nga presidenti amerikan, Barack Obama.

Regjisore Polanski u arrestua dje në Zvicër, ku kishte shkuar për të marrë pjesë në një Festival të Filmit në Cyrih. /REL/

50 Cent ia ka vlejtur të presë

50 Cent është i kënaqur që ka harxhuar kohë në incizimin e albumit të ri, “Before I Self Distruct”, pasi beson se ai është po aq i mirë sa albumi i tij i parë, “Get Rich or Die Tryin”.
“Kisha më shumë kohë për të punuar në këtë incizim. Zakonisht nxjerr një album çdo dy vite, andaj ky është po thuajse me edhe një vit shtesë”, ka thënë reperi.

“Ky incizim mund të jetë sipas gjasave në nivelin e ‘Get Rich or Die Tryin’. Mendoj se mund të ketë po aq ndikim, por jo patjetër edhe të shitet aq”, ka shtuar 50.

Love ka joshje për Chavez
E veja e Kurt Cobain, Courtney Love, ka kthyer shikimin e saj kah një ‘bukurosh’ tjetër kontrovers, presidenti i Venezuelës Hugo Chavez.
Dyshja janë njohur në New York në projektimin e filmit të ri dokumentar të regjisorit Oliver Stone, “South of the Border”, gjatë javës së kaluar, dhe Love është ‘ngacmuar’ nga lideri.

Rokerja thotë se është e pushtuar dhe beson se një romancë mund të jetë e mundshme.

“Ishte e treta herë që ai më shkeli syrin. Ai është shumë seksi. Ai më ftoi të vizitoj vendin e tij dhe do të doja. Do të shpërthej në Caracas”, ka thënë Love.